10 բան, որ պետք է իմանալ

                 

 Որտե՞ղ է գտնվում մոլորակի ամենաչոր վայրը

                                                                                                          Ի՞նչ եք կարծում, գուցե դա Սահարա անապա՞տն է, իսկ միգուցե Նեվադա՞ն. իսկ իրականում այն գտնվում է Ատարկտիկայում: Այս մայրցամաքի որոշ վայրեր արդեն ավելի քան 2 միլիոն տարի անձրև չեն տեսել: Տեխնիկապես անապատը՝ դա հողային տարածք է, որը տարեկան ստանում է 254 մմ-ից քիչ տեղումներ: Սահարան ստանում է տարեկան 25մմ: Անտարկտիկայում իրավիճակը գրեթե նույնն է, սակայն նրա որոշ շրջաններում հազարամյակների ընթացքում անձրև չի եղել: Եվ հենց այս պատճառով է Անտարկտիկան համարվում ամենաչոր վայրը: Բացի դրանից նա կարող է հավակնել ամենաքամոտ վայրի կոչմանը, քանի որ այնտեղ քամու արագությունը հասնում է մինչև 320 կմ/ժ: Դա մինչ այժմ գրանցված քամու ամենամեծ արագությունն:                                                                                                                                                                                                                                                           

Աշխարհի ամենահսկա կենդանի օրգանիզմը                                                

   Փի՞ղ, երկնագույն կե՞տը, թե՞ Ռեկս տիռոնոզավրը: Ամենահսկա կենդանի օրգանիզմը դա սունկն է՝ ընդ որում հազվագյուտ տեսակի:  «Մեղրային սնկիկ» կամ Armillaria ostoyae շատ տարածված է և նույնիսկ հնարավոր է, որ աճում է հենց ձեր այգում:  Ամերիկյան Օրեգոն նահանգի ազգային պարկում այն աճել էր հսկայական մեծության: Սունկը գրավել էր 890 հա տարածք և նրա տարիքը կազմում է 2000-ից 8000 տարի: Նրա մեծ մասը գտնվում է հողի տակ հսկայական թևիկների տեսքով, որը անվանում են  միցել (սովորական սնկի արմատի էկվիվալենտը): Սկզբից կարծում էին, որ ուղղակի անտառում մեծ քանակությամբ մեղրային սնկիկներ են աճում, սակայն հետագա ուսումնասիրությունները հաստատեցին, որ դա մեկ հսկա օրգանիզմ է:                                                       8. Ինչո՞ւ է քամելիոնը փոխում կաշվի գույնը

Պետք չէ ենթադրել, որ քամելիոնը փոխում է իր գույնը կախված տարածքից, որտեղ նա գտնվում է: Դա տեղի է ունենում կախված կենդանու հաճախ փոփոխվող էմոցիոնալ վիճակների քանակից և հենց այդ պատճառով զարմանալի չէ, որ գույնը երբեմն համընկնում է տարածքի գույների հետ: Նրանք փոխում են գույնը, երբ վախենում են, զույգավորման ժամանակ, այլ քամելիոնի հետ կռվելուց և այլն:

Քամելիոնը հազվադեպ է օգտագործում իր այս հնարավորությունը քողարկվելու համար, քանի որ նրանց հիմնական որսը, դրանք միջատներն են, որոնք չունեն այնպիսի տեսողություն, որպեսզի նկատեն իրենց «որսորդին»: Հարկավոր է նշել, որ քամելիոնները իրենց տեսակի մեջ գտնվելով գիշատիչների ամենաբարձր աստիճանի վրա՝ կենդանական աշխարհում չունեն թշնամիներ:                                                                                               7. Նյութի քանի՞ ագրեգատային ձև (գոյության ձևեր) գոյություն ունի

Դուք կասեք. երեք, այնպես չէ՞: Պինդ, հեղուկ, գազային: Իրականում այն 15-ից անց է: Չնայած ցուցակը աճում է օր-օրի՝ ահավասիք մի քանի օրինակներ. ամորֆ պինդ, պլազմային, գերպինդ, սուպեր հեղուկային, նեյտրոնային, այլասերված նյութ, ուժեղ սիմետրիկ նյութ, թույլ սիմետրիկ նյութ, պլազմա ֆերմինային կոնդենսատի քվարկ-գլյուոնային, Բոզե-Էյնշտեյնի կոնդենսատ, «տարօրինակ նյութ» և այլն:

Նրանցից ամենահետաքրքիրը երևի Բոզե-Էյնշտեյնի կոնդենսատն է (ԲԷԿ), որը առաջանում է, երբ տեղի է ունենում կոնկրետ նյութի սառեցում ցածր բացարձակ զրոյից (-273 աստիճան): Օրինակ, եթե բաժակում փորձենք ստեղծել ԲԷԿ՝ սառեցնելով բաժակը մինչ պահանջվող ջերմաստիճան, ԲԷԿ-ը կսկսի բարձրանալ բաժակի պատերով: Դա տեղի է ունենում այն պատճառով, որ ինչ-որ բան, որ հնարավոր է տեսնել ատոմային մակարդակում, հնարավոր է դառնում տեսնել այլ մակարդակներում:

6. Գազանի թիվը: Ո՞րն է այն

616: 2000 տարվա ընթացքում 666 թիվը սարսափելի հակաքրիստոսի թիվ էր համարվում: Այն համարվում էր ոչ բախտավոր շատերի համար: Նույնսիկ եվրոպական խորհրդարանն էր թափուր թողնում այդ թիվը: Այդ թիվը գտնվել է հայտնության գրքում՝ Աստվածաշնչի վերջին գրքում: Այնուամենայնիվ 2005թ. գրքի ամենասկզբնական հայտնի օրինակների թարգմանությունից պարզ է դառնում, որ  այդ թիվը 616-ն է այլ ոչ թե 666-ը:

5. Ի՞նչ գույն ուներ հին Հունաստանի երկինքը

Բրոնզագույն: Հին հուներենում «երկնագույն» բառ գոյություն չուներ: Ամենամոտ բառը դա ավելի շատ գույնի ինտենսիվություն նկարագրող բառ էր, քան գույն: Եվ այսպես, երբ հույները խոսում էին երկնքի մասին որպես բրոնզ, նրանք նկատի ունեին, որ այն պարզկա է, ինչպես բրոնզե վահանի փայլը, այլ ոչ թե բրոնզագույնը:

4. Քանի՞ զգացմունք ունի մարդը

Ամենաքիչը իննը: Հինգի մասին բոլորը գիտեն՝ տեսողություն, համ, հոտ, լսողություն և շոշափելիքի զգայարան: Առաջին անգամ սրանց մասին խոսել է Արիստոտելը, սակայն ներկա պահին դրանց ավելացել են ևս 4-ը, որոնք գիտնականների համաձայնությունից հետո նույնպես պաշտոնապես ընդունվել են: Դրանք են.

թերմոցեպցիա – ջերմության զգացում

էկվիբրոցեպցիա – սա մեր հավասարակշության զգացմունքն է, որը որոշվում է ներքին ականջի շրջանում հեղուկի կուտակումով:

նոցիցեպցիա – ցավի զգացում

պրոպրիոցեպցիա – դա մարմնին «հասկանալն է»: Դա մեր գիտակցական գիտակցումն է, թե որտեղ են գտնվում մեր մարմնի մասերը՝ առանց նայելու:

Շատ նյարդաբաններ գտնում են, որ զգացմունքները 9-ից շատ են: Օրինակ կարելի է ավելացնել ծարավ, սով և այլն:

3. Ինչպե՞ս էին պատկերացնում Երկրի ձևը միջնադարի մարդիկ

Նորից ճիշտ չէ: Արդեն մ.թ.ա. 4-րդ դարում գրեթե ոչ մեկ այն հարթ չէր պատկերացնում: Դա մոլորություն է, որ իբր  մարդիկ Երկրի ձևի մասին չգիտեին, որը որոշ առումով հետևանք է «Քրիսաֆոր Կոլումբոսի կյանքն ու նավարկությունները» (1828) գրքի, որում սխալ կերպով նշվում էր, որ իբր Կոլումբոսը ապացուցեց, որ Երկիրը կլոր է:

Իրականությունն այն է, որ ոչ մեկ չէր մերժում այդ տեսությունը: Փորձը ցույց է տալիս, որ աշխարհի գրեթե բոլոր մշակույթները մաթեմատիկայի կամ սովորական հետազոտությունների օգնությամբ հասկանում էին երկրագնդի գնդաձև լինելը:

2. Ինչպե՞ս է գիշերային թիթեռնիկը արձագանքում լույսին

Գիշերային թիթեռնիկին լույսը չի գրավում, այն ապակողմնորոշում է նրան: Բանը նրանում է, որ գիշերային թիթեռնիկներն ու ցեցը նավիգացիայի համար օգտագործում են բնական լույսը՝ ինչպիսիք են արևի և լուսնի լույսը:

Երբ ննջասենյակում միացվում է արհեստական լույս, դա մոլորեցնում է միջատներին, ստիպելով նրանց թռչել կեռված հետագծով, քանի որ լույսի ուղղությունը կտրուկ փոխվում է: Գիշերային թիթեռնիկը փորձելով ուղղել հետագիծը, լույսի շատ մոտ գտնվելու պատճառով սկսում է թռչել շրջանաձև:

Եվ ևս մեկ բան. ցեցը հագուստ չի ուտում, դա անում է իր թրթուռը:

1. Քանի՞ կին ուներ Հենրիխ VIII-ը

Պատասխանը՝ երկու, այլ ոչ թե 6:Հենրիխի 4-րդ ամուսնությունը Աննայի հետ չեղյալ է համարվել: Այլ խոսքերով ասած ամուսնությունը չի կայացել: Բացի դրանից պարզվել է, որ Աննան նշանված է եղել Լոտարինգի հերցոգ Ֆրանցիսկի հետ: Այն ժամանակ նշանված լինելը զերծ էր պահում ամուսնությունից: Այդ իսկ պատճառով մնաց 5 կին: Հենրիխի երկրորդ ամունությունը Աննա Բոլեյնի հետ չեղյալ է համարվում Հռոմի Պապի կողմից, քանի որ այդ ժամանակ Հենրիխը դեռևս ամուսնացած էր առաջին կնոջ՝ Եկատերինա Արագոնացու հետ:

Հենրիխը լինելով անգլիական եկեղեցու գլխավորը, չեղյալ է համարում իր առաջին ամուսնությունը, պատճառաբանելով, որ տղամարդը չի կարող քնել իր եղբոր այրու հետ: Նույն բանը նա անում է իր հինգերորդ կնոջ՝ Քեթին Հովարդի հանդեպ: Եվ այսպիսով ստացվում է, որ նա ունեցել է երկու կին:                                                                                                                                                 աղբյուրը՝www.listverse.com